- Nov
- 08
Hei te Wenerei te tuawaru o Whiringa ā-rangi, atu i te 11:00am ki te 12:30pm, ka tū he hui ataata e pā ana ki Ngā Tao Riri, ara, ko Ngā Rākau O Te Riri rānei.
Ngā Tao Riri
He wānanga tahi tēnei me Erana Hemmingsen, Te Pae Arahi Hōtaka Māori ki Te Papa, rāua ko tētahi o ngā pūkenga o ngā tao riri, ko Paraone Tai Tin. I ngā tau ki muri, ko ia te kaiwhakaari o te hōtaka pouaka whakaata o “Moko Toa”. He pai tēnei hui ataata mō ngā tamariki o ngā Kura Tuatahi, o ngā Kura Kaupapa Māori, tae atu ki ngā tamariki o Te Kura Tuarua, me ngā Wharekura hoki. Kei te whakahaerehia te hui ataata nei i roto Te Reo Māori anake.
Ngā Whakaritenga:
- Ki te ako i ētahi o ngā tikanga e pā ana ki ētahi o ngā tao riri
- Ki te ako i ngā korero e pā ana ki ētahi o ngā tao riri kei roto Te Kohinga Māori o Te Papa
- Ki te āta tirotiro ki ētahi o ngā tao riri
- Kia mārama ki ētahi o ngā āhuatanga mō te whakamahi i ngā tao riri
- Kia ako i ngā kōrero e pā ana ki Ngā Rākau a Tū, Ngā Rākau a Hine hoki.
- Ki te whakawhiti kōrero, mō te take mehemea he wāhi kei tēnei ao mō ngā tao riri
E wātea ana ngā tauira ki te tuku pātai mai ki a Whaea Erana rāua ko Matua Paraone, e pā ana ki te kaupapa o te hui ataata nei.
Ki te rēhita mō tēnei hui ataata, tono atu kia digitalconversations@cwa.co.nz, me waea mai rānei kia (04) 382 6515 i mua i te Mane te tuaono o Whiringa ā-rangi, 2006.
